الخميس، 19 أبريل 2012
فلاح و فالح و يملك من الأرض قيراطين
3:16 م | 
مرسلة بواسطة
admin |
فلاح و فالح و يملك من الأرض قيراطين
متجوز و عنده من الخلف ولدين
الكبير اسمه حسن و الصغير اسمه حسين
عايش اليوم بيومه و مفيش عليه سلف و لا دين
يصلى الفجر و يسبح بحمد ربه و يدعى لحسن و حسين
و يخرج من داره على أرضه و الموكب بتاعه حماره وراها الجموستين
موكب ملوكى بسيط طبعا ما هو صاحب قيراطين
يقلع و يزرع فى ملكه و ساعة الظهرية تيجى له أم حسن و معاها حسن و حسين
تيجى و معاها الغدا يصلى فرض ربه و يشتغلوا سوى الاتنين
عيالهم بتلعب حواليهم و الساقية بتدورها الجموستين
و ساعة العصارى فى ظله الصفصافة قعدوا يتغدوا حتة جبنة قريش و بيض و قشطة و رغيفين
حمدوا ربهم و صلوا فرضهم و قاموا على البيت مروحين
المغربيه أذنت صلوا و قدام البيت فرشوا و راحوا قاعدين
هما و جيرانهم يحكوا حكايات و يضحكوا من قلوبهم و يردوا السلام على اللى رايحين و اللى جايين
و أذان العشاء يصلوا فرضهم و يتعشوا و يحمدوا ربهم و يروحوا نايمين
أنا بحسدك على راحة البال و السعادة اللى أنت فيها يا أبو حسن و حسين
دى نعمه كبيرة من رب العباد متقدرش تشتريها بالملايين
متجوز و عنده من الخلف ولدين
الكبير اسمه حسن و الصغير اسمه حسين
عايش اليوم بيومه و مفيش عليه سلف و لا دين
يصلى الفجر و يسبح بحمد ربه و يدعى لحسن و حسين
و يخرج من داره على أرضه و الموكب بتاعه حماره وراها الجموستين
موكب ملوكى بسيط طبعا ما هو صاحب قيراطين
يقلع و يزرع فى ملكه و ساعة الظهرية تيجى له أم حسن و معاها حسن و حسين
تيجى و معاها الغدا يصلى فرض ربه و يشتغلوا سوى الاتنين
عيالهم بتلعب حواليهم و الساقية بتدورها الجموستين
و ساعة العصارى فى ظله الصفصافة قعدوا يتغدوا حتة جبنة قريش و بيض و قشطة و رغيفين
حمدوا ربهم و صلوا فرضهم و قاموا على البيت مروحين
المغربيه أذنت صلوا و قدام البيت فرشوا و راحوا قاعدين
هما و جيرانهم يحكوا حكايات و يضحكوا من قلوبهم و يردوا السلام على اللى رايحين و اللى جايين
و أذان العشاء يصلوا فرضهم و يتعشوا و يحمدوا ربهم و يروحوا نايمين
أنا بحسدك على راحة البال و السعادة اللى أنت فيها يا أبو حسن و حسين
دى نعمه كبيرة من رب العباد متقدرش تشتريها بالملايين
التسميات:
مصطبة الفلاحين
0 التعليقات:
إرسال تعليق